قصة تموت من الضحك ...!!

سلام عليكم ورحمة الله وبركاته
جايبلكم قصة تموت من الضحك
في احدى مستشفيات
المجمعة بالمملكة العربية السعودية لفت انتباه احد الزوار للمرضى وجود مريض مجبس من
والى بالعربي مكسر الملفت للانتباه ان كل الي يزورونه يطلعون ميتين من
الظحك.
خوينا هفه الفضول وقال لازم اعرف السالفة، دخل عليه وتحمد له السلامة
وقاله انا مستغرب من شي واحد ليه كل الي يزورونك نسمع ظحكهم لاخر المستشفى خير عسى
ماشر.
قال المكسر: يعني انت بتحسدنا اذا ظحكنا.
قاله: لو عندك مليون كان يمكن
احسدك بس علشان الظحك لا اظحك بكيفك.
قال المكسر: اجل اسمع السالفة، انا ساكن
بشقه جديدة في الدور الثالث غرفتين ودورة مياه وبلكونة حلو، يوم من الايام نمت
وحلمت بيوم القيامة والعالم واقفين ينتظرون الحساب وفي باصات مكتوب عليها الجنة
وباصات مكتوب عليها النار، والملك ينادي فلان بن فلان النار، فلان بن فلان الجنة،
وانا خايف، فلان بن فلان قلت هذا انا نعم قال الجنة، قلت الحمدلله ورحت ادور باص
الجنة وركبت فيه. مشى الباص وحنى بالطريق نشوف لوحة مكتوب عليها الجنة 50كم
النار100كم، بعد اشوي النار 15كم، انا قلت يمكن السواق يعرف باب ثاني للجنة، اشوي
النار 10كم قلت لازم اروح اشوف السواق واسألة، رحت انت يالخو يالحبيب مايرد علي
معطيني ظهره، يالطيب ايه عطنا وجه وين بتودينا، التفت علي اثره بليس ويظحك ظحكته
الشريرة هههههههههههه انا بوديك النار،
كان اصرخ لاااااااااا انا من اهل الجنة
يالملعون وقف وقف احسنلك، قال لي ماقدر الباص مبرمج مايوقف الا في النار. قلت وقف
احسن لك وقف يوم شفت مافي فيدة فتحت النافذة وطمرت ماصحيت الا بالمستشفى اثاري طمرت
من البلكونة.
انتهت القصة وانا منتظر ردودكم الحلوة.